終於又可再聚埋一齊，我等左呢日好耐啦~
今日相約左一班現職及離開左公司既同事去稻香食打邊邊~
大家都冇乜點變...又係好似以前咁又嘈又攪笑，
笨手笨腳既繼續笨手笨腳...
我真係好回味以前一齊係公司既日子(又有氣氛又快樂)

我又病了又要食藥啦~

啲藥又多而且未來老公話好似.....
M&M

一開始華仔已經電死人啦~

好開心呀!!好開心呀!!
不論遠或近我都一樣咁支持你既~

(Sugar同佢老公以及我既裝修師父都係睇今日個場)

琴日我同未來奶奶傾傾下計，
佢比左佢新買既電話繩我睇，
原來係一隻牛，
而且未來奶奶及老爺都各有一隻架（玉）。
我問佢點解冇啦啦會買既，未來奶奶就解釋，
事緣他們２００８年都犯太歲，
所以配番個玉珮戴住佢會好啲。
跟住佢就話我都配番個戴住，
因為我都係犯太歲。
我下意識就講左一句冇所謂。

點知今朝出到去佢竟然記得呢件事，
而且佢陪我去揀同送左一隻比我呀～

真係有點唔好意思！！

不過我個一下子已經更加感覺到，
未來奶奶好似我媽媽咁係真心咁對我～
唔係因為買野比我既關係，
而係佢好擔心我同關心我既一切。

好感動～
謝謝你未來奶奶～

今年我地互相都冇送聖誕禮物比大家，
所以我地就一齊買一樣野大家都可以用到既，
作為聖誕禮物。

話說我之前用開個部相機SONY食電量驚人
(不足半個鐘會冇晒電)，而且部機好熱。
所以我決定買過部新既代替佢。
其實我已經講左好耐話買架啦，
此終等到聖誕大減價先買，
點知等到過埋聖誕先黎買~

我們的聖誕禮物 --- CANON IXUS 75

雖然佢唔係CANON既最新既型號，
不過我要求又唔係高，
如果買左啲自己又冇乜點用既功能又浪費
(因為價錢差成一千)，又好似唔值。
睇下啲相既質數先啦~

12月26日除左係聖誕既BOXING DAY之外，
更加係我們雙方家長見面既日子，
陣容包括有: 未來老爺、未來奶奶、未來姑仔、
媽咪、爹地、婆婆、以及最重要既兩大主角.....
我同我未來老公啦。

今晚既見面場地童軍總會既金陶軒
(我地既主場，因為姚太姚生差不多每個月都黎5-8次)，
我係早兩個星期已經訂左一間房
(因為怕多人傾唔到計而且怕冇位，不過有最底消費)。

未坐低我已經好緊張啦，
話晒第一次雙方家長見面，
我相信KEVIN都好緊張，不過佢好識控制場面既，
介紹完一大輪及互相送見面禮之後就開始點菜。
唔知係我同我老公唔識或者係有機會見多次面既關係，
整餐飯都冇點提過結婚既事，例如禮金、餅....
(之前已經同媽咪傾好晒)
幾大長老就不斷講退休生活、大家既家庭背景、
做咩職業、以及講下兩位父親既笑料...
不過氣氛都十分好，又食下又傾下，
而且好多時未來老爺同爹地講啲攪笑野，攪到大家笑呵呵。
(我地都發覺到未來老爺及爹地佢地有好多野都好似）

今日公司開聖誕PARTY，我係負責影VIDEO個部份，
不過由於場地問題，影出黎既MOVIE好難睇(多人場又細)。
加上今次係用公司既VIDEO CAM(只得一個細電磁)，
攪到有好多野都影唔到。

今年既聖誕PARTY勁多獎要頒(咩服務獎...)
加上玩遊戲玩到超晒時(有點掛住玩唔理時間)，
攪到4點幾先有得走。(本身3:30就結束)
人地一心諗住早啲返家休息~

唉...抽獎方便
我只係抽到個細獎，
不過對我黎講都好，因為我正想買既野...
就係風筒一個及現金獎$100(已經唔錯)~

最近我經過 BP INTERNATIONAL HOUSE -我擺婚宴之場地，
我發覺通往婚宴場地既樓梯有些擺設改動。
之後我再睇番我好耐沒有CHECK過既E-MAIL，
原來酒店早早11月頭已經SEND E-MAIL過黎話有改動，
問我地呢啲CLIENT有冇意見架啦~
錯失左個好機會呀!!

舊DESIGN: 

新DESIGN:

唉...佢既改變普普通通，不過唔係人人接受到囉~
我就覺得都可以既(可能我喜歡紅玫瑰啦)，
不過就要再叫佈置公司加多啲野上去...
例如玫瑰花瓣、裝飾物....

上星期我已經出了一個EMAIL邀請做我的姊妹既朋友，雖然好早之前
已經私底下問過，不過禮貌上我都要正式通知各位姊妹,
現在係公佈名單既時候......(排名不分先後)

1.   Janet Chan (珍姐/神婆珍) 我既好同事，佢好獨立，話得事，做
      野好穩陣。由我一入職開始佢都好照顧我，如果唔係佢我都唔知同
      邊個食飯、邊個陪我行街散步囉~~ HAHA

2.  Rachel Chan (妹妹) 我既好同事，係一個又可愛又容易面紅既小
    妹妹黎架，好攪笑 由於佢係08年9月準新娘，我地兩個婚期都差唔
    多(加上對婚禮既事懶洋洋)，所以有好多要BOOK既野都一齊
    BOOK(希望攞到一個好既價)

3.  Gloria (朱朱) 我既超級靚女舊同事，當你見到佢既時候，感覺好
    舒服而且佢好有口齒、及係一個有信用既人。我聽啲同事講有好多
    客都時時想找佢幫手(傳聞) 我講到咁，大家係唔係好想見下佢  
    呢? --- 當日RACHEL最想佢係度架啦~~

4.  Migi (美子/蘿蔔) 我既中學同事，係一個活動職業攪手(我覺得)，
     又識大體又識講野，有佢係度我好放心。而且佢係09年1月既準新
     娘子，佢做完我姊妹，之後我又做番佢姊妹。好開心呀 

5.  Janet Lai (亞寶) 我既中學同事，次次有特別要化妝都找佢，係我
    呢專用化妝師呀~由於亞寶、美子、我都係貪靚之人，所以結婚當
    日個妝或衫衫有咩異樣，佢地一定會幫忙打理...平時佢個人係唔多
    點出聲，不過當玩起上黎就嚇你一驚 ， 再加埋MIGI及
    SUGAR更加好玩，所以各位兄弟要小心啦~ 
    (諗起當日我都想玩埋一份) 

6.  Sugar Wong (黃糖/寶儀) 我既中學同事，08年3月做準媽媽，同
    時我都係BB既契媽AUNTIE靚靚。佢係我既發言及代言人，因
    為當我一緊張我就有語言障礙，如果唔係有佢係我身邊幫我講野，
    我都唔知點算? 你是多麼重要呀~

有關所有姊妹通告及當日各位負責既事，
都會一一在此個WEDDING BLOG陸續出現~
各位姊妹敬請密切留意

唉......
兄弟方面要等陳生回覆先能公佈(慢吞吞).....

今日2007年12月3日係我同Kevin
最後一個以拍拖既身份去慶祝我們的拍拖紀念日，
因為出年呢個時間我已經做左陳太啦~
因為我之前放左兩日假加上月頭公司好忙，
而且我又唔係太舒服又累，
所以我地都冇甚麼大事慶祝，普普通通食餐飯就算啦。
今日Kevin竟然自動自覺話食壽司，
我一定唔會唔應承啦加上佢話佢等位，更加要去~
當我放工之後就立即飛奔去左尖沙咀既板前壽司會Kevin，
好彩Kevin早黎攞定位，如果唔係就有排等。
入到去我個人都未坐定，老公已經話快啲點野食...
原來呢餐係Kevin既第一餐(因為佢下晝冇食飯，餓死佢啦~)。
好就等我發揮，大家睇下啦~

終於食飽飽而且我地兩個都好滿足(難得Kevin食壽司都話飽)...
回家之前我地去左萬寧買左支特效深層修護霜比Kevin~
因為佢隻手...唉...
好似小朋友咁時時係咁搣啲手指，
攪到損晒，而家我已經盡量控制佢以及要佢自制一下，
加上搽呢支修護霜，希望有改善啦~

p.s. 未來老公你乖乖聽話啦~
      你咁攪法唔靚架啦~