終於係上海街既錦發度身訂做左裙褂(頭褂黎架)啦
之前我已經上網做晒research，
睇過每間上海街個頭啲舊鋪頭度租褂既comment，
聽人講佢地價錢唔算貴
(比我心見中)，手功都唔錯架。
而最終我都係決定去錦發
入到錦發其實都唔需要老闆娘介紹，我已經講出我地既要求，
平腳少紅色(因為媽咪要傳統)、
以及唔要褂王(因為我著唔起，身型矮小)。
老闆好快咁攞左兩套褂比我試，
其中一套係褂后、 一套係大五福
1. 褂后 (全件褂有8成都以卜心金銀線刺繡, 好似褂王)
2. 大五福 (裙褂大概有6成範圍都繡上了金銀線, 其餘就是紅布料)
最後我地都揀左褂后，而且老闆送左套上頭睡衣呀
。
(著起上身好似怪怪咁，不過可能唔合身既關係啦)
不過老闆前幾日話比我聽我條褂既料要5月先有得睇，
到時先黎度身，會大約八月先起到貨。
冇所謂啦我有既係時間。
件褂都訂左加上之前買左對褂鞋，
我結婚當日既早上所有裝束都攪點晒
資料:
裙褂是中國傳統的出嫁禮服, 裙褂上的圖案多以龍鳳為主體，其他圖案尚包括「福」字、「喜」字、荷花、荷葉、蝴蝶 、鴛鴦、蝠鼠等。這些圖案都是寓意尊貴吉祥、百年好合。至於龍鳳褂的起源，隨時代轉變，裙褂款式從古雅樸實、直膊、寬袍、扣花鈕，改良為斜肩、修腰及拉鏈設計，剪裁更能展示女士的體態美。
裙褂大致可分金銀線、珠石, 線石, 彩線四大類，再配上不同的龍鳳圖案及剪裁設計，可有很多不同款式以供選擇。
金銀線裙褂: “褂皇” 以金銀線全密地刺繡手工，屬頂級設計，價錢最貴。除新娘外，奶奶及主婚人亦可穿上褂皇，以配合場面及身份。所繡出之龍鳳圖案以完全覆蓋於紅色真絲綢之上為最名貴款式. 五福臨門以卜心金銀線刺繡，手工密度可分為3級——五福寶、中五福、密五福。密五福亦稱五福 “褂后”。租褂的價錢由$400-$2600. 頭褂－即全新的褂，當然最貴了。裙褂裡面應再著一件三個骨袖長的專用睡衣打底。
珠石裙褂： 珠石裙褂比起金線褂重約兩倍以上，有多種珠石釘繡，款式千變萬化，價錢較大眾化。採用日本珠石珠片及絲綢製成, 不需採用金銀線刺繡.新式“水晶褂” 可屬於這項裡面, 不過, 價錢會比普通珠片褂貴.
線石裙褂: 線石裙褂合金銀線的輕巧高貴、珠石閃爍及圖案立體的特點於一身。褂裙採用金銀刺繡加入珠片及人造鑽石製成.
彩線裙褂: 彩線裙褂主要以彩色線作刺繡, 有 d 會加 d 金線,銀線, 大多數新潮褂會屬於彩線裙褂裡面. 例如: Cocoon, Peony, GP 都有呢 d 新潮褂, 圖案多以花花 or 龍鳳為主體，通常刺繡比較不會太密.
)
