12月26日除左係聖誕既BOXING DAY之外，
更加係我們雙方家長見面既日子，
陣容包括有: 未來老爺、未來奶奶、未來姑仔、
媽咪、爹地、婆婆、以及最重要既兩大主角.....
我同我未來老公啦。
今晚既見面場地童軍總會既金陶軒
(我地既主場，因為姚太姚生差不多每個月都黎5-8次)，
我係早兩個星期已經訂左一間房
(因為怕多人傾唔到計而且怕冇位，不過有最底消費)。
未坐低我已經好緊張啦
，
話晒第一次雙方家長見面，
我相信KEVIN都好緊張，不過佢好識控制場面既，
介紹完一大輪及互相送見面禮之後就開始點菜。
唔知係我同我老公唔識或者係有機會見多次面既關係，
整餐飯都冇點提過結婚既事，例如禮金、餅....
(之前已經同媽咪傾好晒)
幾大長老就不斷講退休生活、大家既家庭背景、
做咩職業、以及講下兩位父親既笑料...
不過氣氛都十分好，又食下又傾下，
而且好多時未來老爺同爹地講啲攪笑野，攪到大家笑呵呵
。
(我地都發覺到未來老爺及爹地佢地有好多野都好似）
不過點都好，我同KEVIN順順利利又過左一關啦~
同時黎緊既野，又要繼續努力
同KEVIN諗下商量下啦!!
